എനിക്കൊരാളെക്കൊല്ലണ-
മതിനെന്തെളുപ്പമാര്ഗ്ഗം
തിരഞ്ഞു ഞാന്
കഴുത്ത് ഞെക്കിപ്പിടിക്കുക
കൈവിഷംകൊടുത്തേയൊടുക്കുക
പതുക്കിവച്ചൊരു കഠാര
കൈപ്പിടി-
വരേയ്ക്കുമുള്ളില്കൊരുക്കുക..?
എനിക്കൊരാളെക്കൊല്ലണ-
മവനോടടുത്തു സ്നേഹം
നടിച്ചു ഞാന്....
Wednesday, May 21, 2008
Sunday, May 11, 2008
Wednesday, May 7, 2008
നിര്വചനം
മിത്രമേ മിടിക്കുന്ന
ഹൃദയം തുരക്കുക
കാണാതെ വന്നെന് കാതില്
കാരീയമിറ്റിക്കുക
എപ്പൊഴും നിഴലായെ-
ന്നൊപ്പമേ നടക്കുക
കണ്ണിന്റെ തിളക്കങ്ങള്
കട്ടു നീ കതിര്ക്കുക
നാവിന്മേല് പാഷാണത്തിന്
പാരുഷ്യം പുരട്ടുക
ഉറ്റവന് ഞാനെന്നാലു-
മൊറ്റു നീ കൊടുക്കുക
പാപത്തിന് പണംകൊണ്ട്
പാനോപചാരം ചെയ്ക..
മിത്രമാണെന്നാലും നീ
സ്നേഹിക്കുന്നുമുണ്ടാവാം
അല്ലെങ്കിലെല്ലായ്പോഴും
നിഴലായ് നടക്കുമോ..
ഹൃദയം തുരക്കുക
കാണാതെ വന്നെന് കാതില്
കാരീയമിറ്റിക്കുക
എപ്പൊഴും നിഴലായെ-
ന്നൊപ്പമേ നടക്കുക
കണ്ണിന്റെ തിളക്കങ്ങള്
കട്ടു നീ കതിര്ക്കുക
നാവിന്മേല് പാഷാണത്തിന്
പാരുഷ്യം പുരട്ടുക
ഉറ്റവന് ഞാനെന്നാലു-
മൊറ്റു നീ കൊടുക്കുക
പാപത്തിന് പണംകൊണ്ട്
പാനോപചാരം ചെയ്ക..
മിത്രമാണെന്നാലും നീ
സ്നേഹിക്കുന്നുമുണ്ടാവാം
അല്ലെങ്കിലെല്ലായ്പോഴും
നിഴലായ് നടക്കുമോ..
Tuesday, May 6, 2008
അവസ്ഥ
Monday, May 5, 2008
ഏണി
നാലുചുറ്റും ചുമരുകള്ക്കുള്ളില് ഞാന്
ഭീതിയേറും മുഖവുമായ് പിന്നില് നീ
ഭീതിയേറും മുഖവുമായ് പിന്നില് നീ
കണ്ണിലെന്തൊരു ദൈന്യത!മിത്രമേ
ഒറ്റയായുപേക്ഷിക്കില്ല നിന്നെ ഞാന്...
ചുറ്റുവന്മതില് മേലെ നീലാകാശ-
മെത്രനക്ഷത്രമെത്രതേജോമയം
പുഞ്ചിരിക്കയാണിപ്പൊഴും വര്ഷങ്ങള്-
ക്കെത്രമുന്പേ പൊലിഞ്ഞതാണെങ്കിലും
അപ്പുറത്തെത്തിനോക്കുംനിഴലുകള്-
ക്കൊപ്പമെത്താനെനിക്കില്ല കൌതുകം
മിന്നിമായും മിനുക്കങ്ങള് കണ്ടുനീ
കണ് മിഴിക്കേ തപിച്ചുപോകുന്നു ഞാന്
രക്ഷയൊറ്റയ്ക്ക് ഞാന് ,നീ-യനര്ഹന്റെ
നിത്യജീവനം നീതിയാം കാലമേ
ഒറ്റുകിട്ടുവാന് നേരമായ് സ്നേഹിതര്-
കാത്തുനില്ക്കുന്നതെന്നെയോനിന്നെയോ
ഈയിരുട്ടിന്നിടത്തരം നീതിയില്
നേര്പാതിയും കാണാതിരിക്കിലും
തീ പിടിക്കും നടുക്കങ്ങള് പോലെ നിന്
നെഞ്ചിടിക്കും തുടിപ്പുകള് കേള്പ്പുഞാന്
വാരിയെല്ലു വലിച്ചൂരിനേരിന്റെ
കാരമുള്ളിനാല് കോര്ത്തൂപരസ്പരം
ചാരിവയ്ക്കുന്നു സ്നേഹമണ് ഭിത്തിയില്
കാലുവെയ്ക്കുക കയ്യേണിയാണു ഞാന്...
Subscribe to:
Posts (Atom)